Week 2 Wednesday以前中學有一條辯論題最中意問，你認為中學生應否穿校服？
當時我己經支持中學生應該穿校服，因為唔使諗聽日穿乜，已經煩少好多野，又唔使煩驚同人撞衫，慳返唔少，穿校服咁多好處，都唔知點解d人要反對？
anyways，我自己就中意穿啦，所以今次約左十蚊飯、撈水草、子母奶一齊做穿校服MISSION，加上自己好中意套校服， 兩年幾都無穿過，今次有得穿，都真 係既興奮又開心，哈哈~
出到街，都無乜奇異的眼光，最多有人望下對converse，一切大致正常，行到培正道，見到十蚊飯，佢穿著一套類似真光旗袍的校服，不過顏色較深，也是穿converse，見到佢好開心，因為有人壯膽都唔同d。
上都到七樓，開始有人會望下，我地啦啦聲去到課室門口，第一堂是當代文學導修，又唔敢入去，企左3分鐘左右，終於鼓起勇氣，打開門，行入去，好彩有十蚊飯傍住，唯有當同學睇我唔到，睇我唔到。雖然俾人用異光望住，周身唔聚財，但係耐左都無乜感覺，反正俾人望兩眼又唔使死，哈哈，無幾耐，撈水草都成副武裝返到，我地三個就變左中學生大聯盟。
果日最開心既係食下午飯時，行到canteen附近，有幾個女仔經過，話︰「做乜咁多中學生係度既？」我地聽到後好開心，原來自己都唔係好老姐，睇落都仲似中學生，哈哈~
是日記趣—玩捉
沒有留言:
張貼留言