視蕉如朋友

Week 3

Mission: 每日食一條香蕉&蘋果

今個禮拜大家既mission大多同飲食有關 ,有高大全既8杯水篇，十蚊飯既牛奶篇，而筆者寫既係香蕉&蘋果篇，聽日仲有子母奶既木糠布甸。

12條蕉好快就清哂!

屋企長期都會買定好多蕉同蘋果，有香蕉、皇帝蕉，奶蕉、嘉頓蘋果，富士蘋果，但筆者就好少食，一來本身唔係特別鍾意食香蕉，二來覺得甜得濟，反而蘋果有時都會食下。

為左健康同培養食生果既習慣，決定實行每日食一條香蕉同一個蘋果。而屋企有咁多蕉同蘋果，做起呢個mission就好方便。

筆者係過去既一個禮拜，成功完成呢個mission！

朝頭早一起身，飲左杯暖水後空肚食香蕉。

啊妹同我講：「唔可以空肚食蕉架！」

「吓，點解既？」

「網上講空肚食蕉對身體唔好……」

12蚊六條

於是上網查證下，網上資料話香蕉含大量鎂，空肚進食會使血液中含鎂量驟升，造成血液內鎂、鈣失調，對心血管產生抑制作用。

睇返報導，營養師，醫生話冇實質根據支持唔可以空肚食蕉。

結論係照樣空肚食！

參考資料：http://www1.hk.apple.nextmedia.com/template/apple/art_main.php?iss_id=20080219&sec_id=4104&art_id=10769684

香蕉好易飽肚，有時食左香蕉後冇食早餐可以頂到晏晝兩三點先食晏。香蕉含有3種天然糖份：蔗糖、果糖和葡萄糖；再加上纖維質。

以100克既香蕉黎計，有成89卡路里(而一碗白飯大約200卡路里)，

可以補充體力，當中包括12.2克糖(糖分都幾高下)。

當中既纖維可以幫助腸道蠕動和預防便秘，維持腸道健康。

香蕉仲含有豐富的維他命Ｂ6，幫助身體製造血清素。

血清素是俗稱的快樂荷爾蒙，可以令你開心架！

仲可以增加身體既免疫力！何樂而不為呢！

參考資料：

http://www.mslhk.com/news_media_detail.php?mediaid=1111

筆者食完晚飯後就會食個蘋果，蘋果同樣有促進腸道排泄功能！

仲含有豐富的維生素C，可以保持骨骼和牙齒的健康。

衛生署係2006年6月起推行「日日2+3」宣傳活動，鼓勵市民每日進食2份水果及3份蔬菜。筆者係呢個星期達到2份水果既目標，3份蔬菜方面仍有進步空間！筆者會將呢個mission成為習慣，務求做到「一日一蘋果(香蕉)，醫生遠離我！」