清潔大行動

week 6 wednesday
平時係OU返學上堂，多得d姐姐，都唔覺OU唔乾淨，今次試做呢mission，俾我感覺係，OU既垃圾真係唔大件又唔多，比起我個袋有時裝下發霉垃圾，真係小巫見大巫，不過OU既垃圾係零零碎碎地散落係唔同既既地方。

我實行呢個mission既第一站係於OU 4樓PC Lap，話說當時仲煩惱緊要做邊個mission好，隔離既十蚊飯就話：「做執垃圾啦！你睇下，張檯度幾多垃圾！」我望一望，係wor，點解之前我找極垃圾都找唔到，今日竟然一次過俾我見到咁多垃圾，垃圾mission緊係不能錯過啦！我啦啦聲執垃圾，檯面上清一次，已經執左8件，跟住，我將目標放寬到地下，進地顫式搜查，俾我見到PC LAP唔同位置既垃圾桶附近，都有dd垃圾，有碎紙、零食包裝等，以我既估計，d人dum垃圾既時候，隻眼一定望住個天，唔係既話，做乜咁大個垃圾桶都dum唔中？！咁樣會加重阿姐既工作量架嘛！

最後，我行完成間PC LAP俾我執左15件垃圾，但係15件垃圾係唔夠既，我既目標係20件，跟住我係四樓Locker附近又執左4件，我諗4樓A座負責清潔既姐姐要多謝我，因為我既幫手即刻令環境乾淨唔少，哈哈~最後我轉戰三樓，於lift口找到第20件垃圾！

好野！任務完成！