彈結他預告

Week 7 mission ：用結他學彈一首歌

不知不覺間，已經黎到第7週。開始搵唔到做咩MISSION好啦！頭痛頭痛。話說，呢排面對排山倒海既功課，周不時都聽住歌邊做邊RELAX。

講起聽歌，唔知大家鍾意聽邊個歌手呢？我自己好鍾意梁詠琪既歌，可以話係由細聽到大。見木又吹口琴，我又想挑戰下彈結他！不過同大家講明先，我對結他原全係一竅不通架！彈得難聽就請大家多多包容！

大家唔好心急住先！唔係宜家彈俾大家聽，等我練一個禮拜，再同大家獻醜！至於揀邊首歌黎彈呢？到下個星期先揭曉啦！雖然宜家唔能夠表演俾大家睇，就請大家將就下，睇住YOUTUBE 先！送我好鍾意既一首歌俾大家聽聽！