人生多變，本來諗住做返學唔遲到既mission，但今日放學去洗手間，遇到油漆師傅係度油廁所標誌，我一邊行，已經一邊眼超超望緊人地係度油油，到左女廁門口，真係忍唔住問：「可唔可以俾我試下？」
.JPG)
油漆師傅又好好人，唔驚我地搞搞震，俾我油，我見機不可失，因為唔知幾時先有機會係學校留低D野，所以人地肯俾我油，我緊係嘔飯應！佢仲好放心，教埋我地油，油錯時就同我地講d漆可以稀釋，所以油錯或者滴落地下，都好容易可以洗左佢！油漆師傅一講完，我就開始油，佢之前已經油左個頭，咁我就由個身開始，油呀油呀，好開心，諗返自己細個果時想做畫家的夢想，雖然只係一個夢，不過都係一個美好的回憶，自己做唔到畫家，幫下人油下油漆，人地又開心，自己又開心，大家都開心，快樂真係好簡單，跟住見十蚊飯幫我錄影，知道佢對畫畫都好有興趣，所以又叫佢畫埋一份，佢又好開心，我油完身就到佢油腳，佢都好比心機油，最後九樓女廁個圖案就由我地兩個加油漆師傅三人夾手夾腳完成！
好o野！！！大家得閒行過九樓C座女廁，就記得欣賞下我地既大作啦！~
沒有留言:
張貼留言