Mission Possible: Sorry，冇得淨，借唔到比你！

Week 6：Saturday
Mission：捐血救人篇

繼我組有食WASABI自虐傾向之稱，相信第二個熱門Mission就係捐血啦！木又係星期一出左篇小任務變大經歷，搞到差Ｄ要入廠，李金髮既增肥捐血Mission宣布Failed（我以後不再增肥）。筆者食住熱血沸騰呢個勢，挑戰捐血。

對於有六次捐血經驗既筆者，相信咁次既任務係易過借火。之前仲譏笑木又虧得濟，諗住捐血之後係個呢篇BLOG既結尾度寫：「筆者捐完血咩事都冇，仲可以跑返幾個圈，哈哈！！
點知個結果係..................Unexpected！！

筆者放學後係ou club食左個下午茶，食飽飽再捐血，咁就實冇死啦！跟住就行去旺角捐血站（筆者係個路痴，行過龍都唔知，結果係條街兜左陣先搵到）。

原來係銀城廣場11樓，銀城就係百老匯隔離，sasa對面。

入到門口，姐姐好親切咁問你：「係唔係捐血呀？過黎呢邊填Form，

完就禁機拎籌。筆者飛快地填完張Form，等左十分鍾左右就入去見姑娘。姑娘問完一連串既同題同量完體溫之後，可以去吉手指啦！吉手指係一個好關鍵既時刻，決定你適唔適宜捐血！吉手指係紅十字會對捐血者進行嚴格既篩選方法。咁樣係為左保障捐血者係捐完血之後，體內既血紅素仲係處於正常既水平，維持健康既生活。

去到吉手指個Counter，好自然咁伸出隻左手出黎，「的」！已經吉左落去啦，有少少痺既感覺。係度等血紅素讀數結果既同時，吉手指叔叔就同筆者吹下水。
結果出左啦！
出左啦！！出左啦！！筆者以為理所當然係pass啦！

點知個讀數得 9.9
吉手指叔叔同筆者講：「你今日捐唔到血架啦，要入去見姑娘！」

9.9代表咩？
姑娘話捐血者既血紅素必需達到：

男性：13g/dL
女性：11.5/dL
9.9真係偏低..........................................

姑娘話：「其實你而家既健康都ｏｋ，但今日就捐唔到血，就好似你者而家銀包D錢淨係夠自己洗，唔夠錢借比我。」
之後講睡眠質素同飲食習慣唔好，壓力大等因素都會令血紅素偏低，建議筆者補充多D鐵質，兩個星期之後先黎捐過。
仲比左本小冊子，入面有D有利身體既鐵質吸收既飲食療方，
例如有龍眼湯、蘋果菠菜汁，牛肉膠凍等等。

的確，今日真係好眼訓，而且呢個禮拜睡眠不足！！

筆者唯有拖住沉重既腳步離開捐血站！
今日得到既教訓係就係－－除左食飽先去捐血，仲有訓飽！！

筆者中七果年第一次捐血，諗住捐血可以幫到有需要既病人，仲有就係可以知道自己係咩血型！所以仲未知道自己係咩血型，最簡單而直接就係去捐血啦！！
而定期捐緊血既同學快D影響埋你身邊既朋友仔加入捐血新力軍！！
其實今次你地借左錢比紅十字會，第日紅十字會有機會還返比你都唔定！
(當然意外係人都唔想有，但意外呢D野冇人可以控制得到！)
所以唔好吝嗇你地寶貴既血液！

或者有人會問捐左血，咁咪冇左好多血！身體會變差？
當然你係有錢剩既時候先可以借比人，而紅血球係體內既生存期大約係120日，血小板大約係10日，我地既身體會透過新陳代謝以補給。

我地可以透過以下呢個表知道父母既血型混合時，佢地仔女會係咩血型！
唔一定同父母同一血型的！