好聽到出CD既木又被《打開蚊帳》難到了~!

Week 7, Monday

任務：演奏一首新樂曲
地點：某夜OU一間無人既溫習室
樂器：口琴
歌曲：請睇片
人物：筆者、笑到震鏡頭既持機人
結果：Completed !!!

        經過前幾星期又出汗又出血既任務，筆者決定休息一周，挑戰D靜態任務，所以揀左呢個mission，順便陶冶下性情。話時話，多得今次個任務令筆者發現當年有份灌錄既個隻CD吾見左! 你無聽錯，係有我作品既音樂CD。個陣已經係12年前既事了，話說筆者間中學規定中一新生必須學一樣樂器，筆者自問無音樂天份兼銀兩，所以揀左學口琴，就係咁就入左學校既口琴&口風琴隊。咁岩個年學校想籌備第一張音樂CD，於是全校既音樂校隊就被逐一安排錄音。想「濫竽充數」？你諗下就好，實情係好多支極靈敏既收音咪擺係你身邊，邊個位出錯抑或吾得，即刻現形，吾少校隊錄到天昏地暗，吾少人被人話完又話……慶幸筆者既團隊可以順利半天搞掂。就是咁，母校第一張亦係筆者第一次參與錄音工作既音樂作品《The First Tunes》係2001年面世。

        CD內收錄左20首樂曲，有樂器演奏同合唱團表演，其中2首作品(《Serenade》——小夜曲、《Musical Moment》——音樂瞬間)由筆者既單位負責。正因為有咁大紀念價值，今次吾見左搞到我要四圍去撲，點知母校官網又話〝ALL SOLD OUT〞，最後好彩係一個有大量存貨既同學度買番到一張，不過，竟然升值左……收我$80，我印象中當年好似賣$40左右，哈哈，點都好喇，我願意買就得喇，話晒10幾年歷史。

念中一的筆者 (右四)

       講番今次任務，話晒成10年無吹過副口琴，今次見番佢地，真係有少少陌生。由最簡單既d r m f s l t d'都用左幾分鐘去熟習番個位，由於筆者當年經過嚴格既訓練，所以就吾打算再吹奏名家作品了，相反，我打算挑戰一些未有接觸既作品。

上面的是C#琴、下面的是常用的C琴

看外表都估到哪一本的內容困難了吧？

      下面就係兩本樂曲集既內容對比，筆者今次想演奏既就係左手邊既個本精選集既歌，我分別揀左《Marry had a little lamb》、《Twinkle, Twinkle little satr》同《Are you sleeping》(《打開蚊帳》)黎學。

        筆者用左大概半小時去練習三首歌，一直都發揮穩定，到正式埋位個陣，頭兩首都無乜大問題，點知到左吹最短、節拍最簡單既《打開蚊帳》就出事了 ……

        吾好以為筆者任務失敗，說好的表演一首，我而家經已係賣大包了，哈哈。請原諒我間中有些音吾夠準，畢竟是生疏了，謝謝。