鼻涕納豆

WEEK 4 MISSION：鬥快食納豆

話說WEEK 3要堅持飲7日牛奶的MISSION，終於……完成啦！
俾大家睇下我既成果！

黎到WEEK 4，我決定挑戰一樣由我出世到宜家都未食過的東西！！！

就係傳說中的——納豆啦(笑)見到相中的納豆，你會唔會想食呢？

納豆係日本一種傳統發酵食物。黃豆通過納豆菌發酵而成，好有黏性(囧)
大家睇下D圖就知佢有幾黏！

唔講唔知，原本納豆係中國傳去日本架！

係卡通片同日劇就見人食得多，廿幾歲人都未試過納豆究竟係咩味！

今次終於有機會，揭開呢個——謎。

於是做MISSION果日特登去到樂富一間日資超市買左1包3小盒的納豆，

進行食納豆比賽！由於聽人講過納豆係超級難食的，於是唔買傳統味的納豆。

最後揀左下圖呢款納豆，附送一小包柚子汁淋上去食的。(希望會易接受D！！！)
好平架！只售$17.6，大家都買番盒試下啦！

好啦！入正題，我地有3位參賽選手：

1. 高大全
強項：生吞WASABI

2. 走路花

強項：摧毀鑊鏟

3. 十蚊飯

強項：發花癲

睇黎3位比賽選手都有番咁上下份量，究竟會鹿死誰手呢！？

即刻睇睇比賽情況！

一開蓋已經覺得D納豆黏力無比！真幾嘔心！

高大全：開始既時候擔心會好難食。

食落之後，又唔抗拒，仲越食越開心！

走路花：覺得好似食緊口水咁，好臭好臭……

但比賽入到直路果陣，不停默默咁吞，食到反白眼！

十蚊飯：放落口更加之臭，唯有死忍死忍。

成口納豆吞唔落，好想嘔，進度緩慢！

睇下……黏到咁，個質地真係勁似口水+鼻涕既豆豉！！

最後邊個贏呢？即刻去片~

睇完我地既比賽，你仲想唔想食納豆呀！？

除左好似我地就咁食，其實仲有好多其他配搭納豆既食用方法~

大家不妨試下啦！

又或者你有無D獨門秘方，可以令納豆變得好食呢？

歡迎你係度留個言，同大家分享下！

(部分圖片轉載自互聯網)