中Less

week5 wednesday
話算「發達」呢個詞，係人都中意，特別係人又無，錢又無既雙無人士。本人為左發達，所以決定俾十蚊買一張六合彩！睇下可唔可以Mission possible做個千萬富婆！

我以為中六合彩難，點知原來買六合彩都係好難架。話說果日去馬會買六合彩，未到門口已經人山人海，我本來仲以為自己好醒，揀星期日先去買，原來星期日都有馬跑，所以香港仔馬會逼爆。但本人發達心切，見到咁多人都唔理啦，排隊啦！

排呀排，一分鐘、五分鐘，去到窗口附近，我「觀察」到d阿叔九成九係銀包拎出黎果張銀紙都係紅色架，俾錢時，個個都對前景充滿希望，我好佩服佢地，大家都係想發達姐，但係我只係俾十蚊，就買到三日對前景充滿希望既快樂時光。

時間過得好快，大概等左七分鐘，終於俾我等到啦！不過我唔記得買電腦飛係一定要買最少二十蚊，當時我即刻樣衰左，唯有拎張二十蚊錢紙出黎，雖然俾預期俾多左一個double，但係，我好樂觀既，或者我會中晒一二獎呢！哈哈~

時間再次過得好快，我等呀等，從星期日等到今日，終於要開波啦，攪珠結果係：

獎項 每注獎金 中獎注數 頭 獎 - - 二 獎 $429,600 4.5 三 獎 $90,440 57.0

本小姐係中Less既，一個number都唔中.................不過我相信希望在明天，古語有云：留得十蚊在，那怕無柴燒！何況今次又係頭獎無人中，或者個天想蓄多d錢，等我下次買既時候先再俾我中，一定係咁！

P.s:部分圖片取自網絡