一個蘋果的威力

Week 3, Monday

好！又到放完假番工番學既星期一，即係又到我木又出現既日子。大知吾知下面組數字點解？

04725924240

                                                                                                                          吾係什麼帳號密碼……

        話說星期五朝早有presentation，我就早少少番到學校同組員準備，我見時間鬆動，就生了做「吾搭lift，行樓梯」呢個任務。當決定做個陣，我都覺得幾有趣，因為全日係小學、中學行樓梯上上落落就試得多，係大學就未試過。我一邊行，一邊諗起以前既行樓梯日子：細個住八層高既舊式公屋，每日都要行上行落七層樓；跟阿媽去街市，又要行過一段一百二十級既梯；去體育館，又要經過一條梯級好闊既怪石梯，好難行；同朋友去商場，個條超窄超斜既樓梯比OU C座落街個條有過之而無不及，可想而知當我咩住沉重既書包，或者拎住大袋食物、衫，去行呢幾段梯級既心情~

        人大了，腳步大了，氣力大了，膽子大了，除左舊公屋拆左之外，我而家行上面講過既樓梯，已經架輕熟了，唯一無變就係「落個下輕鬆，上個下辛苦」呢個我估係有行過樓梯既人既心聲。

        大家吾好以為行樓梯係好浪費時間同好「得閒」先會做，其實行樓梯有好多好處。據筆者係網上搜尋到既資料得知，如果每日行30分鐘樓梯，有助強健體魄，有效強化心臟及血管、改善心肺功能及血液循環、減低患上常見的冠心病、高血壓、糖尿病及結腸癌危機、增強抵抗力，減低患病機會，工作效率因而提升、強健骨骼，減低患上骨質疏鬆的危機、強化肌肉、燃燒脂肪，有助控制體重等等，連筆者都覺得誇張~

       仲有就係，係OU，「好吾得閒」先會行樓梯，因為OU既LIFT資源係朝早番學高峰時段、中午「放飯」時段、傍晚放學時段，都係嚴重不足的。當你係上面幾個時段有堂要上的話，筆者真心認為用一分鐘爆4、5層，絕對比用吾知幾多分鐘等LIFT再搭LIFT實際得多(入門碰正有LIFT除外)。

以下就係我當日既樓梯之旅，由9:30 am - 7:30pm。

        點知我後來發現呢個任務係要維持一個星期的……不過，我都覺得並吾難完成，重點係要記得自己做緊任務，吾好盲目跟左人入LIFT！有心的話，你是可以快過朋友仔到達集合點的。

        同場加影，「吾搭lift，行樓梯」番屋企版。話說筆者番兼職得知好幾位同事都參加左今屆既渣打馬拉松，我miss左報名日期，唯有下年請早~為左測試下腳骨力，我行了22層樓梯回家。結論係：同跑15分鐘左右步既感覺差吾多，大約係2km，跑10km既朋友要加油了。甘點解叫「一個蘋果的威力」？就係筆者由1點番工到個刻(9:15pm)為止只係食左一個蘋果，因為公司今日好忙~~番到屋企就飯食喇，所以我用左6分鐘就搞掂了，吾知快定慢呢？哈哈