減肥無難度(二)

week3 Wednesday

近排減肥減得好辛苦呀！最辛苦唔係食西柚、唔係食煎到勁樣衰既蛋、唔係肚餓，最辛苦係返學既時候，d同學知道你做減肥mission，就會係你面前拎勁多零食出黎，平時都無咁多零食，呢排上到邊，就食到邊，望住佢地，簡直就係一種折磨！

好彩我係跟餐單食野，而我跟既西柚減肥餐單係可以任食肉、菜或者水果，但就絕對唔可以食澱粉質。所以我lunch果餐，唔理三七二十一，會買雞脾食，有時同朋友gathering，都會點鐵板餐，仲之減肥都要及時行樂。

so far食左4-5日左右，都無乜感覺，磅過下個磅，好似都係同之前差唔多，開始懷疑佢究竟得唔得？不過之前我有聽過用過呢個餐單的朋友仔話，話第一個星期佢都唔覺自己瘦左，不過第二個星期開始就會減磅，希望佢講既野會絕對發生在我身上啦~><~

不過近排媽咪對我減肥餐單好不滿，成日話我唔疼錫自己既身體，我都覺得自己好衰，要阿媽擔心，但係開始左之後，我唔想放棄，點都要堅持埋佢，如果work既，起碼都可以同阿媽交代，如果唔work，我都無計，唯有正常地食返澱粉質，不過就真係要食少d，試下做下運動，希望2個月減到8磅啦！

P.s:部分圖片取自網絡