蟲蟲特工隊—挑戰食蟲篇

Week 5 mission: 挑戰食蟲！

 有咩東西係大部分人都會怕遇到？有咩係人人見到後都會大為驚訝、臉容扭曲？我一諗就諗到有咩係係你碗飯入面搵到隻小強、碗麵到搵到條肥嘟嘟既蟲、鳳梨酥入面食到小強更恐怖，更會令你極度想吐同花容失色。

不如等我挑戰有可能既任務—食蟲啦！當然，如果大家諗到食污糟既小強固然會想吐，但係世界上有以數萬款式既蟲，有無眼無足既肥蟲、有超多隻眼百足既爬蟲，我相信我mission要食既蟲比小強好得多。係食蟲之前，要講到食蟲食得最自在而搞鬼既非佢地莫屬—丁滿&彭彭~Yummy!

挑戰當日：
入到店內就知道此店非浪得虛名，牆上貼滿各式各樣的蟲...

「蜻蜓點水」既水蜻蜓…

「金蟬脫殼」既金蟬子...

友人大叫玩命，於是我就選擇左入門級既椒鹽炸蜂蛹

蜂蛹即係一般蜂類既幼蟲，據說蜂蛹含有高蛋白質、低脂肪、多種維他命，更可以作為保健營養食品。

  網絡圖片

自問自己對食蟲既接受能力較高，加上蜂蛹既外形係無足、眼睛又不特出，要食既話都唔洗拆殼拆足咁煩。話雖如此，其實試新野點都有少許疑惑……

事實上，恰恰炸起既蜂蛹真係好好食，感覺好似食剛炸起既薯條。咬落去外皮香口，內層質感好似食緊墨魚丸咁堅實，並非一咬會有汁液湧出既感覺。

 

食食下發現有對眼望著我…

剛炸起既蜂蛹真係好食，但係放涼左後，蜂蛹漸漸傾瀉出一道獨特既怪味，好難形容…唯有以友人進食後既眼部神情形容。
  雙眼通紅、眼淚奪眶而出…

雖然放涼左既蜂蛹都頗難入口，但係由於唔想浪費所以都迫自己食晒碟蜂蛹。成功了！
事實上，我真係好想挑戰其他種類既蟲如竹蟲、金蟬子等。如果讀者有意的話，倒不如相約壯士們齊齊去挑戰！去患難見真情吧！

P.S
我認為該店既臭豆腐比食蟲難受百倍，令嗅覺和味覺嚴重受害…T0T


店舖：
雲南人家  新蒲崗康強街32-34地下街8號
(黃大仙小巴站20M至康強街總站)