日速0﹒3公斤

Week 1， Monday

今日係2012壬辰年龍年初一，首先同大家拜個早年。

我既任務吾係鬥快起身同人講「恭喜發財」！而係要宣布我要挑戰排名十大精選mission之首——「減肥8磅」。挑戰呢個任務既原因有二：一係為激勵隊員士氣，向難度挑戰，做個好榜樣。二係我對呢次任務充滿信心！

8磅就係大約3.6公斤，話輕吾輕，話重又吾重，但係要減左呢個重量的體重的確吾簡單，至少對我呢類肥胖人士黎講。不過，我對再輕8磅完全無壓力，因為我係舊年暑假(6-8月) 入面已經成功瘦身23磅！

講就咁講，話晒都過左4個幾月既零運動日子，要重拾之前個股鬥心真係吾易，所以，意志係呢個任務的關鍵。講左甘耐，係時候講解下我既攻略，其實基本上都係係舊攻略上做下調整。

「少食多餐」、「早餐豐富，晚餐隨便」……都吾係我既宗旨，我既方法更加激進：早、午餐食麥皮，晚餐淨食菜同少量肉類，碳水化合物類一律誡口。岩岩開始好難頂，特別是個兜好似「濕水爛紙皮」既原味麥皮，每一啖都係口入面含好耐先吞得落，因為極度難食！

食飽，就要去郁下。我會去康民署轄下公共體育館入面既健身室，貪佢器材齊，無錯，體育館係有健身室既。
有咩方法提醒自己日日要去做呢？

我就係靠呢張健身室月票，成人$180，學生半價，買左之後可以去健身室任玩，有效期一個月，如果吾買票就要俾$13/小時。

裝備方面



Nike 普通T+ 中五畢業班足球隊波褲(英軍版)



Mizuno特價跑鞋



好，上路


 



請記住呢個數字





每次運動前我都會磅一磅，今次都吾例外。

請記實呢個數字。

單車機係user friendly既，佢有得坐住黎踩，挨住黎踩。我會當佢係熱身運動，通常會踩3-5分鐘，等集腳warm up下。第二個用途就係當做「輪候凳」，因為有時個場好多人，閒閒地都踩到10KM……

第二樣玩既係滑步機，又叫太空漫步機。吾好以為淨係大踏步咁簡單，其實佢可以係一個全身運動，當做完30分鐘之後，個身就會開始發熱同出微汗，同埋會減到大約100個卡路里。

前面差吾多一個鐘既時間可以話係為最後呢項運動而做

既熱身準備。跑步呢樣野我雖然吾多鍾意，但我吾能夠否認佢對減磅係超有效。

由唔鍾意之中我都有領悟到一D心得出黎。30分鐘入面，吸引你既吾係消耗左幾多卡路里、跑左幾遠、心跳率正吾正常，而係幾時跑夠鐘停機！正因為咁，我會剋制自己既目光吾會向下望個時間，費事越望越灰。所以，我會用數歌黎計時，以平均每首歌三分半鐘計，大約八首歌就可以任務完成。(識唱效果更佳)

另外就係橫隔膜痛呢個問題，通常係係16、7分鐘個段時間出現，經過我累月既經驗，有三個方法解決。第一就係好似大多數人既做法調低步速，慢行休息。第二就係保持步速死頂挨落去。第三就係加快步速，實行將股痛楚「Chok」到吾覺痛，我試過係可行既，不過就需要相當既體能。

好不幸，上面講既問題我今次都遇到晒，不過吾緊要，任務只係岩岩開始，慢慢會習慣。

同樣30mins 。成績差左

這是第二組數字!

希望筆者既小小分享可以幫到有意挑戰既朋友。